हल्ली मी मलाच शोधत नाही
कुठेच थांगपत्ता लागत नाही
पायांनी किती अंतर कापले
हातांच्या फेऱ्या वरून मोजत नाही
निवडुंग कुठेही जगतो म्हणून
तुळशी शेजारी कुणी लावत नाही
विदूषकाच्या देहात शिरताना हल्ली
दु:खांना सुखाने भागत नाही
तारा तुटताच नुसताच पाहतो
नशीबाच्या हातून हल्ली ठगत नाही
चालाख, जुगारी हातांशी हल्ली
हवा तसा पत्ता वागत नाही
फळ्यावर ब्रम्हज्ञान लिहीलं जरी
फळ्याच्या ज्ञानात भर पडत नाही
@सनिल पांगे
2 comments:
kuni leehava tar aasa leehaav.....
ki vachnaryane pratyek shabdala wah wah mhanat rahaaava.........
tuza pankha(fan)
pankaj g.
Respected Sir
I like your poems.
manoj sawkar.
Post a Comment