मराठी चारोळी कट्टा MARATHI CHAROLI KATTA CHAROLYA
Tuesday 11 October 2016
Monday 10 October 2016
Sunday 9 October 2016
बगळ्यांची माळ फुले अजुनि अंबरात
भेट आपुली स्मरशी काय तू मनात ?
छेडिति पानात बीन थेंब पावसाचे
ओल्या रानात खुले ऊन अभ्रकाचे
मनकवडा घन घुमतो दूर डोंगरात.
त्या गाठी, त्या गोष्टी, नारळिच्या खाली
पौर्णिमाच तव नयनी भर दिवसा झाली
रिमझिमते अमृत ते विकल अंतरात.
हातांसह सोन्याची सांज गुंफताना
बगळ्यांचे शुभ्र कळे मिळुनि मोजताना
कमलापरी मिटति दिवस उमलुनी तळ्यात.
तू गेलिस तोडुनि ती माळ, सर्व धागे
फडफडणे पंखांचे शुभ्र उरे मागे
सलते ती तडफड का कधि तुझ्या उरात ?
@ वा रा कांत
@ वा रा कांत
मालवून टाक दीप, चेतवून अंग अंग
राजसा किती दिसात, लाभला निवांत संग
त्या तिथे फुलाफुलात, पेंगते अजून रात
हाय तू करू नकोस, एवढयात स्वप्नभंग
दूर दूर तारकांत, बैसली पहाट न्हात
सावकाश घे टिपून एक एक रूपरंग
गार गार या हवेत घेऊनी मला कवेत
मोकळे करुन टाक एकवार अंतरंग
ते तुला कसे कळेल, कोण एकटे जळेल
सांग का कधी खरेच, एकटा जळे पतंग
काय हा तुझाच श्वास, दरवळे इथे सुवास
बोल रे हळू उठेल, चांदण्यावरी तरंग
@ Suresh Bhat
@ Suresh Bhat
Saturday 8 October 2016
जे मन ठरवते अगदी तसेच कुठे घडते रे
वास्तवाची अळी, स्वप्नाचे पान कुऱतडते रे
वास्तवाची अळी, स्वप्नाचे पान कुऱतडते रे
ध्येयाचा रस्ता जरी, सरळ, साधा सोप्पा
भाग्याचे पाऊल उलटे ते उलटेच पडते रे
भाग्याचे पाऊल उलटे ते उलटेच पडते रे
हास्यावर ना दावा, ना अधिकार कोणाचा
एका आघाताने अश्रूंच्या जात्यात भरडते रे
एका आघाताने अश्रूंच्या जात्यात भरडते रे
किती ऊंची गाठलीस आता पडण्याची भीती
त्यापेक्षा जमनीवर राहणे खरेच परवडते रे
त्यापेक्षा जमनीवर राहणे खरेच परवडते रे
जिंकले सारे जग, न जिंकता आले स्वतःस
श्वास असे पर्यंतच हृद्याचे जग धडधडते रे
श्वास असे पर्यंतच हृद्याचे जग धडधडते रे
श्रद्धा असावी अपार स्वतः केलेल्या भक्तीवर
विश्वास दगड नसता, दगडाचे दार उघडते रे
विश्वास दगड नसता, दगडाचे दार उघडते रे
सांग का करावा हट्ट चंद्र, सुर्य नि तारांचा
चमक तशी इवल्या काजव्यातही सापडते रे
चमक तशी इवल्या काजव्यातही सापडते रे
श्रीमंतीच्या जोरावर किती गरीबांना पेटवलेस
शेवटी तुझेही शरीर अग्नी पाशीच अडते रे
शेवटी तुझेही शरीर अग्नी पाशीच अडते रे
@ सनिल पांगे
Tuesday 4 October 2016
Thursday 29 September 2016
Subscribe to:
Posts (Atom)